Tolosaldean jaio diren edo bertan bizi diren artista guztiek parte hartu ahal izango dute Felix Yarzaren oroimenezko lehiaketan. Obrek, gehienez bi obra lehiakideko, originalak izan beharko dute, teknika librez eta gehienezko 73x60 cm-ko formatuan eginak. Gaia norberak aukeratutakoa izango da. Epaimahaiak aukeratutako obrak Elkartearen lokaletan jarriko dira ikusgai San Juan jaietako egunetan, ekainak 23 eta 26 bitartean izango den Erakusketan. Lanak Txinparta elkartean aurkezteko epea bihar, ostiralean, amaitzen da.