Bihar, ekainak 3, Beotibar Zesta Punta Elkarteak antolatutako San Joanetako Txapelketako finalerdiak jokatuko dituzte.
Partidak iluntzeko 20:30ean hasiko dira, Tolosako Beotibar pilotalekuan. Lehenengo norgehigokan, Altuna-Telleria bikotea Lopez-Aizpurua bikotearen aurka arituko da. Bigarren partidan, berriz, Izagirre-Rabadan bikotea Trabazos-Jauregiren aurka lehiatuko da frontoian. Bi partidetako garaileek, San Joan txapelketako finala jokatuko dute, datorren ekainaren 18an.
Herri arteko txapelketa
Bestalde, datorren igandean, hilak 5, herri arteko txapelketako jardunaldiak izango dira, 10:30etik aurrera, Betoribar pilotalekuan. Txapelketa honetan hiru mailak jokatzen dute: kadeteek, jubenilek eta nagusiek. Oraingoan, tolosarrek Donostiaren aurka aritu beharko dute.