Bihar iluntzean, Tolosako Musika Bandak kontzertua eskainiko du Musikaria astearen egitaraua osatuz.
Emanaldia Zerkausian izango da, 19:00etan, eta Enrike Arostegi Eguzkitzaren gidaritzapean arituko dira musikariak.
Interpretatuko dituzten piezak honakoak izango dira: Lazos de Amistad pasodoblea, Festive Overture op. 96, Caribbean Concerto, El año pasado por agua zarzuela eta Danzon nº2.
Amaiera, gaztetxoenekin
Musikaria asteko egitarauari amaiera emateko, eta azken bi urteetan bezala, igandean Leidorren emanaldia izango da. Tolosako musika eskolako ikasle bandak eta Udaberri dantza taldeak, elkarlanean emanaldia prestatu dute.
12:00etan hasiko da emanaldia, eta ikasle bandak interpretatuko dituen abestiekin, koreografia desberdinak egingo dituzte Udaberriko ikasleek. 3 urteko haurrekin hasi, eta 14 urteko gaztetxoek ere dantzatuko dute.