Tolosako Eduardo Mokoroa Udal Musika Eskolatik azaldu dutenez, 2011/2012 ikasturteko aurrematrikula epea maiatzaren 31n, asteartean, bukatzen da. Informazio gehiago nahi izanez gero, ondorengo telefono zenbakira deitu behar da: 943 65 15 93. Bulegora bertara ere joan daiteke nahi izanez gero, horretarako, honako ordutegia zabaldu dute: astelehenetik ostiralera 10:00etatik 13:00etarakoa, hain zuzen ere.
Musika eskolan eskaintza zabala prestatu dute 2011/2012 ikasturterako. Honako ikasgaiak aurkitzen dira aukeran: akordeoia, pianoa, perkusioa, flauta, klarinetea, oboea, saxofoia, bibolina, biola, biolontxeloa, kontrabaxua, baxu elektrikoa, tronpeta, tronboia, tronpa, bonbardinoa, tuba, txistua eta dultzaina.
Adin guztientzat
Eduardo Mokoroa Udal Musika Eskolan ez dago adin-mugarik, ondorioz, lau urterekin hasi daiteke klaseak hartzen. Helduentzat ere solfeoko eta instrumentuko ikasketa bereziak ematen direla azaldu dute arduradunek.