Ligako azken partidua izaki, derbi zirraragarri bat tartean eta lortutako bigarren postuarengatik taldea behar bezala zoriontzeko asmotan, sekulako jendetza bildu zen joan den larunbatean Usabalgo kiroldegian Laskorain eta Transportes Lakunzaren arteko partidan. Tolosarrek 8-5 irabazi zioten billabonatarrei.
Laskorain Ikastolak igoera faseari ekingo dio datorren asteburuan. Nafarroako ligako txapelduna izan den Antsoaingo Gazte Berriak taldearen aurka jokatuko du. Joaneko norgehiagoka larunbatean izango dute etxetik kanpo.