Tolosaldea Osasun Publikoaren Alde koordinakundeak mahai-ingurua antolatu du herriko alderdi politikoetako ordezkariekin.
Mahai-ingurua bihar izango da, arratsaldeko 19:30ean, kultur etxeko areto nagusian. Parte hartuko duten alderdi politikoak, Aralar, Bildu, Ezker Batua, Hamaikabat, PNV eta PP izango dira.
Aipaturiko alderdi politikoei, bi galdera nagusi egingo dizkiete: Nola defendatu eta ahalbidetuko duzu espezialitateen anbulatorio publikoa baliabideez hornitzea, behar bezalako arreta emateko? eta Zure alderdiak defendatuko al du Tolosaldeak ospitale publikoa eta behin betikoa berehala izatea?. Moderatzailea Jon Mirande kazetaria izango da.