Asteartita egunean San Esteban txarangak bere kiderik beteranoena omendu zuen: Florencio Perez Perez. 35 urte bete ditu txaranga honetan Inauterietan tuba jotzen, eta berez Alcoyano txarangako kidea den arren, San Estebanera laguntzaile gisa joaten hasi zen. Florencio Perez Valencia de Don Juan-en jaio zen, Leon-en. Han ikasi zuen musika, eta 1955ean Tolosara etorri zen bizitzera. 1961ean Tolosako Musika Bandan sartu zen, eta orduz gero txaranga askotan parte hartu izan du.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!