Zezen plazarako sarreren salmenta «martxa onean» doala esan dute udaletik. Leidor aretoko leihatilan sarrerak erosteko azken aukera gaurkoa izango da. 09:00etatik 13:00etara eta 16:00etatik 20:00etara egongo dira zabalik. Ikuskizun egunetan ere txartelak salgai egongo dira Zezen plazan, %10a egun horietarako gordetzea erabaki baitute.
Ostiral Mehe egunean eta Asteartita goizean doan izango da Zezen plazarako sarbidea.
Aurreko egunetan bezala, gaur saltzen jarriko diren sarrerek ondorengo prezioa edukiko dute: Tendidorakoak, 16 urtetik beherakoentzat euro bat, eta 16 urtetik gorakoentzat bi euro; harmailarako bi euro eta palkorako bi euro t’erdi.
Txupinazoa zuzenean
Bestalde, pasa den urtean egin zen bezala, aurten ere, Tolosako Inauterien hasiera iragartzen duen txupinazoa zuzenean jarraitzeko aukera izango da Tolosako Udalaren web orrian. Bihar, www.tolosakoudala.net orria, 11:45ean hasiko da Plaza Zaharrean gertatzen denaren zuzeneko jarraipena egiten.