Gipuzkoako Ezker Abertzaleak eta EAk Gipuzkoan lortu arte! akordioaren berri emango dute larunbatean, hilak 29, Tolosako Topic zentroko areto nagusian, 12:00etan hasiko den agerraldian. Euskal Herriari eta Gipuzkoako jendarteari «aldaketa politiko eta soziala» bultzatzeko eskaintza egin nahi diote. Aldaketa horretan independentzia hartzen dute erreferentzi moduan.
Akordioak hamar puntu hartzen ditu bere baitan: egitura juridiko politiko berria; gatazkaren konponbidea; Euskal Herritik Gipuzkoara, Gipuzkoatik Euskal Herrira; justizia soziala; garapen iraunkorra; berdintasunean oinarritutako jendartea; euskara eta kultura; migrazioa eta aniztasuna; hezkuntza, eta azkeneko puntuan, gazteria. Azaroan osatu zuten bi alderdiek akordioa eta orain eskualdez eskualde ari dira gizarteratzen.