Urteari bukaera ederra emateko, Tolosako Musika Bandak Urte Zaharreko kalejira egingo du Tolosako Alde Zaharreko kaleetan, urteko azken egunean, hau da, etzi.
Musika taldea Gorriti plazatik aterako da 20:00etan. Korreo kalea gurutzatu eta Solana kalera iritsiko dira, eta bertatik Plaza Zaharrera helduko dira. Plaza Zaharrean giro polita sortuko dute, hainbat doinu jo eta gero, eta handik, Plaza Berrirantz abiatuko dira, Kale Nagusitik. Horrela emango diote amaiera kalejirari. Plaza Berrian Zezenen Jota eta Tolosa Futbol Klubaren ereserkia Ia Zarrak joko dituzte.