Tolosaldea Sahararekin elkarteak etziko Giza Eskubideen Nazioarteko Eguna baliatu nahi du «Marokoko indar zapaltzaileek okupaturiko Mendebaldeko Saharako Aaiuneko Agdaim Izkeko kanpalekuan egindako sarraskia (hildakoak, zaurituak, desagertuak...) gaitzesteko».
Horiek horrela, etzi, itxialdia egingo dute Tolosako udaletxean 20:00etan. Hurrengo egunean, berriz, larunbatean, manifestazioa egingo dute. Mobilizazioa 12:00etan irtengo da Plaza Zaharretik. Ekitaldi hauekin «Maroko Saharatik ateratzeko» eta Mendebaldeko Sahararen «autodeterminazioa eta independentzia» aldarrikatuko dituzte.