Eusko Jaurlaritzako Merkataritza saria eskuratu du Tolosako Illargi Delicatessenek. Herriko guneetan komertzioaren dinamizazioa bultzatzeagatik eman diote, hain zuzen ere aipamena.
Herenegun egin zuten Merkataritza eta Turismo Gala Gasteizen, eta bertan zortzi sari eman zituzten. Illargi Delicatessenen kasuan, bertako jabeek aurten antolatu duten Illargi Coupage hartu dute kontuan, «artea, kultura, musika eta komertzioa leku ireki batean batzeagatik».
Gainerako sariak ondorengoentzat izan dira: Norhogar Textil, Park Avenue Fashion Outlet, Rosana y Eva Ania izan dira Illargirekin batera komertzio saria eskuratu dutenak. Flysh ibilbideak Euskadi Turismo saria lortu du, eta Saski Baskoniak, Gonzalo Anton (Zaldiaran) eta Jose Juan Castillok (Casa Nicolasa) aipamen berezia.
Eusko Jaurlaritzak lehen aldiz elkartu ditu aurten Turismoa eta Merkataritza Gala batean, «biak elkarrekin doazelako eta pisu handia dutelako gurean.