Arimaz orkestrak kontzertua emango du Topic-en igande honeta, hilaren 14ean, 12:30ean. Tolosako Andre Mari elizako organoa berritzen laguntzeko antolatu dute emanaldia. Tolosako Musika Eskolak duela 10 urte sortu zuen Arimaz kamera orkestra, hari-tresnen ikasleen prestakuntza osatzeko asmoz. Kepa Martínez de Albeniz tolosarra da zuzendaria, eta eskolako ikasleez eta ikasle ohiez osatuta dago, heziketa-zentroko irakasleen laguntza duelarik.