Giro ederrean abiatu dute santakrutz jaietako azken eguna Orexan. Izan ere, bigarren aldiz, azoka egin dute herriko pilotalekuan. Guztira 14 postu bildu dira eta denetariko produktuak ikusi, dastatu eta erosteko aukera izan da bertan. Horrez gainera, hamaiketakoa egin dute ostatuan eta haurrentzako puzgarriak ere izan dira.
Arratsaldean ere izango du jarraipena festak:
- 18:00. Herri kirol apustua: Ibai Soroa, Eneko Saralegi eta herritarren artean.
- 19:00. Bertako ekoizleen sagardo dastaketa, Isk&Bila txarangak alaiturik.
- Ondoren, oilarraren igoera.