Orexan kexu dira. Izan ere, Orexako herria mugikor estaldura gabe darama zazpi astez. Hala, salatu zuen bart gauen Orexako Energia Berriztagarrien Komunitateko (EBK) lehendakaria den Eneko Maiozek. «Udalak antena bat jarri zuen fibra optiko bidez 3G teknologiaz mugikorreko estaldura lortzeko. Udalak Movistarrekin akordioa egin zuen antena hori kudeatzeko», azaldu du.
Akordioa egin arren, herri osoa estaldura mugikorrik gabe dagoela salatu du. «Ulertzen dugu herri txikia garela baina zazpi astetan inongo berririk ez edukitzea ez da onargarria». Dozenaka eskaera eta kexa luzatu dituzte, baina Movistarretik ez diote herritarren eskariei jaramonik egiten. Orexarren eskaera erraza da: «Etor dadila teknikari bat antena konpontzera».