Festa giroan murgilduko dira asteburuan Orexan. Hain justu, ostiralean, 18:00etan, oilarraren jaitsierarekin batera emango die Santa Krutz jaiei ongietorria eta hiru egunetan zehar izango da zertaz gozatu bertan. Tartean haurrentzako puzgarriak, dastaketak, herri kirol erakustaldia eta dantzaldiak izango dituzte, besteak beste.
EGITARAUA
Apirilak 30, asteazkena
- 20:00. Pintxo potea ostatuan.
Maiatzak 2, ostirala
- 17:00. Haurrentzako puzgarriak eta txokolatada.
- 18:00. Oilarraren jaitsiera.
- 18:30. Patata tortilla txapelketa. Ondoren, afari merienda.
- 23:30. Muxutruk erromeria.
Maiatzak 3, larunbata
- 11:00. Hamaiketakoa: Urdaiazpiko eta txakolin dastaketa.
- 18:00. Herriko auzoen arteko apustua.
- 19:00. Imanol eta Iñaki trikitilariak.
- 21:00. Herri afaria.
- 00:00. Oilar Beltzak taldearekin dantzaldia. Goizaldera, gosaria.
Maiatzak 4, igandea
- 11:00. Haurrentzako puzgarriak.
- 11:00. I. Orexako artisau azoka.
- 18:00. Herri kirol erakustaldia. Aizkoran: Ibai Soroa eta Julen Kañamares. Harri jasotzen: Estefania Etxebeste eta Olaia Esnaola.
- 19:00. Sagardo dastaketa. Ondoren, oilarraren igoera.