Conama Sariek udal txiki eta ertainak jasagarritasunean egindako lanketak saritzen dituzte. Madrilen izan da 2022. urteko edizioaren sari banaketa eta bertan izan dira Gurutze Etxezabala alkatea eta Eneko Maioz Orexako energia komunitateko lehendakaria.
Sari emaileek Orexak subirautza energetikoan egindako lana aitortu dute. «Saria orexar guztiona dela argi utzi nahi dugu eta aurrera begira lanean jarraitzeko lagungarri izango dela. Orexan hasi den bidea ez dadila eten», adierazi dute Orexako ordezkariek.