Abuztuaren 13an hil zen orexar iheslari ohia, gaixotasun larri baten ondorioz. Igande honetan omenaldia egingo diote, Orexako plazan, 11:00etan.
Espainiar auzitegien jazarpenari iskin egiteko alde egin aurretik, Orexako alkatea izan zen Mikel Atxega Malkorra; 1987an hautatu zuten herritarrek, Herri Batasunako zerrendetan.
Euskal Iheslari Politikoen Kolektiboak 2013an Biarritzen irudikatu zuen etxera itzultzeko apustu politikoari heldu zion, beste dozenaka errepresaliatuk egin duten bezala. Jaioterrira bueltatu zen, baina gaixotasunari Lapurdin egin zion aurre bereziki. Abuztuaren 13an hil zen.
Igande honetan, «merezitako omenaldia» egingo diote herritarrek, Orexako plazan, 11:00etan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
