11 urte egin ditu alkate moduan Eneko Maiozek eta ordezkoa aurkeztu du Orexa Sarietan: Gurutze Etxezabal Iturrioz. "11 urte, erraz esaten da", esan du. Ondo gogoan du alkate izendatu zutenekoa, 2011ko ekainak 11. Ordutik asko ikasi duela esan du, baina jada uzteko garaia iritsi dela uste du Maiozek. Gurutze Etxezabal Iturrioz izango da beraz, 2023ko udal hauteskundeetarako EH Bilduko Orexako zerrendaburua. Etxezabalek Maiozek erakutsitako guztia eskertu du, esan du bidelagun izan duela denbora honetan guztian eta berari esker erronkari aurre egiteko prest dagoela.
