Festa bereziak izan dituzte aurten Orexan, konfinamendu egoera dela-eta ezin izan dituztelako ohi bezala ospatu. "Gaurkoan herri bazkaria egin ohi da, baina gaur bakoitzak bere etxean egin beharko du", esan du Eneko Maioz alkateak. "Festa guztiak elkarrekin ospatu ditugu, baina bakoitzak bere etxetik. Herritarrek elkarbanatu dituzte herrian dugun Whatsapp taldean etxeko giroan nola ospatu dituzten, eta berezia izan da alde horretatik".
Aurrera begira asmoa dute herriko jaiak ohiko eran ospatzeko. "Ez dakigu noiz eta nola, baina asmoa dugu zerbait antolatzeko", esan du Maiozek. "Badago sentsazio hori nolabait ezin dugula galtzen utzi festek suposatzen dutena. Badago gogoa, eta aukera dagoenean, zerbait asmatuko dugu".