Udazken inguruak berarekin dakar, herri askotan, kulturaz gozatzeko tartea. Orexarrek ere kultur hamabostaldia ospatu ohi dute inguru honetan, eta aurtengorako ere hamaika ekitaldi badituzte prestatuak.
Adin guztietako herritarrentzat pentsatutako egitaraua osatu dute: haur, gazte eta helduek izango dute zertaz gozatua, beraz. Egitasmoez gain, mahaiaren bueltan ospatzeko ere hartuko dute tartea: batetik, igande honetan, Andoni Oilokiegik eskainiko duen kantaldiaren aurretik, bazkaria antolatu dute, eta bestetik, azaroaren 2an, herri afaria izango dute, eta ondorenean, trikiti doinuak izango dituzte giroa alaitzeko, DJ Bull musika jartzen hasi aurretik. Tartean, hutsik egiten ez dutenak, Uitzitik Orexara bitarteko ibilbidea kasu.
EGITARAUA
Urriak 25, ostirala
22:00.Herriko bozakantzerkia Iduzkilore taldearen eskutik.
Urriak 26, larunbata
18:00.Eskolatik plazara ikuskizuna, Oinkari dantza taldearen eskutik.
Urriak 27, igandea
09:30.Uitzi-Orexa ibilaldia.
Ondoren.Bazkaria orexan.
Jarraian.Kantaldia Andoni Oilokiegiren eskutik.
Urriak 30, asteazkena
10:00.Hodei magoaren Uraren sekretuak ikuskizuna.
Urriak31, osteguna
21:30.Hitzaldia: Feminismoa Euskal Herrian: egungo gogoetak eta erronkak. Hizlaria, Kizkitza Gil de San Vicente.
Azaroak 1, ostirala
22:00.Olatz Salvadorrek kantaldia eskainiko du.
Azaroak 2, larunbata
16:00.Zine emanaldia haurrentzat: SmallFoot.
Ondoren.Txokolatada eta puzgarriak.
21:00.Herri afaria.
Ondoren.Tritilariak: Irune Elizagoien eta Jone Uria.
Jarraian.DJ Bull.