Badira urte batzuk jaia berreskuratu zutela eta aurten ere ez dute hutsik egin. Garai batean inauterietan etxez etxe joaten ziren koplak kantatuz eta eskean ibilita bildutakoarekin bazkaria egiten zuten. Orain ordea, mozorroen kalejira da egiten dutena eta ondoren, afaria egiten dute. Aurten Korrika ondotik pasako zaiela eta, euskararen lasterketa erraldoia da aukeratu duten gaia. Larunbatean, hortaz, Korrika Txikia egin zuten mozorrotuta, kalejiran, eta ondoren, afaria egin zuten.