Santa Krutz jaiak bukatzear dira Orexan, eta egun berezia ospatu dute gaur. 120 pertsona elkartu dira, haur eta heldu, gaurko egunean zehar antolatutako ekitaldietan. Herri guztia, beraz. Asteartea izaki, jai hartu dute, batzuek eskolatik, besteek lanetik, baina ez dute galdu nahi izan Santa Krutz Eguna.
Herri giroan ikusi dute, lehenbidizi, Bapatean taldearen Taberna ikuskizuna. Ondoren, bazkariaren txanda izan da. Udaletxeko arkupetan eta herriko elkartean bildu dira herritarrak. Indarrak hartu ondoren zunba saioa egin dute arratsaldean, eta egunari eta festei amaiera eman diote oilarraren jaitsierarekin.