Josune Malkorra kultur batzordeko kidearen esanetan, Kultur Hamabostaldia amaitzeko afaria antolatzen dute eta gero dantzaldia. "DJ Bull urte batzuk daramatza Orexara etortzen eta dagoeneko gure gustoak ezagutzen ditu", zehaztu du.
Asteburuari hasiera ostiralean eman zitzaion, Hazparneko anderea izeneko antzezlanarekin. Antzerki taldekoak asko izanik, esfortzu txiki bat egin behar izan zuten udaletxeko ganbarara egokitzeko. "Jende dezente zen eta lekuarekin justu samar ibili ginen", dio Malkorrak.
Larunbatean, arratsaldeko ekitaldia haurrei begirakoa izan zen. Batetik, ipuin kontalaria izan zuten eta plazan puzgarriak jarri ziren. "Egia esan ume eta guraso asko izan ziren, ia herriko festak ziruditen", esan du Malkorrak. "Haurrek neka-neka eginda bukatu zuten puzgarrietan".