Hirugarren aldiz antolatu dute azoka Orendainen. Goizean egin dute, Urritzondo pilotalekuan, eta guztira, 30 postu bildu dituzte. Bertan, denetariko eskaintza izan da, besteak beste, egurrezko produktuak, larruzko poltsak, belarritakoak, jakiak, oihalezko materiala edota beirarekin egindako tresnak. Bada, horrez gain, Euskaraldiko batzordeak ere gune bat jarri du, non informazioa eskuragarri jartzeaz gain, zabalik izan duten izena emateko aukera eta, salgai, banderatxoak. Hori gutxi ez balitz, merkatuan postua jarri dute Ataungo talogileek, eta mokadurako tartetxoa hartu dute bertaratu diren askok.