Orendainen artisauen eta ekoizleen azoka egingo dute apirilaren 6an. Bertan, herriko nahiz inguruko herrietako ekoizleen eta artisauen produktuak erakutsiko dituzte, eta haien lana aitortzea da azokaren helburua, besteak beste. Horrez gain, produktuak salgai jartzearekin batera erakusketak eta tailerrak ere antolatu nahi dituzte animaliekin, lan tresnekin eta bestelakoekin. Eta Orendaingo Udalak adierazi du prest dagoela herritarren proposamenak aztertzeko ere.
Hori horrela, produktuak saltzeko, lana ikusarazteko edo tailerren bat eskaintzeko azokan parte hartu nahi dutenek, aurrez, izena eman behako dute Orendaingo udaletxean. Behin izen-emate guztiak jasota, Orendaingo Udalak eskariak aztertu eta erantzungo ditu.
Dagoeneko zabalik dago izena emateko epea, eta otsailaren 21a izango da horretarako azken eguna. Eskaerak bi modutan egin daitezke: aurrez aurre udaletxeko bulegoetan (astelehenetik ostiralera 9:00etatik 13:00era); eta Internet bidez Orendaingo Udalaren web orrialdean.