Larunbatean egingo dute Orendaingo herri kiroletako desafioa. Hiru talde arituko dira elkarren aurkako lehian, hain zuzen, Eltxo zaharrak, Eltxo gazteak eta Bidearte baserria. Urritzondo pilotalekuan egingo dute norgehiagoka, eta 17:30ean hasiko da.
Hiru saio egingo dituzte guztira, eta bakoitzean honako ariketak egingo dituzte:
- 50 kiloko harria hamar aldiz jasotzea.
- Trontzan hiru mozketa.
- Ingudean hogei jasoaldi.
- 40 lokotx biltzea.
- 25 kiloko txingekin plazari lau itzuli ematea.
- 40 kiloko zakuarekin plazari lau itzuli ematea.
- Korrika frontoiari lau itzuli ematea.
Ikuskizunaren ondoren, 21:00etan afaria egingo dute Eltxo elkartean.