Dagoeneko eman daiteke izena Orendaingo Udalaren ikastaroetan eta zerbitzuetan. Jarduera guztiak euskaraz egingo dituzte eta aurrera ateratzeko, gutxienez, bost pertsona elkartuko beharko dira talde bakoitzean. Izena emateko orria bete eta udaletxean aurkeztu behar da, eta irailaren 18a baino lehenago egin beharko da hori.
Denetariko eskaintza bildu dute ikastaroetan, besteak beste, yoga eta hipopresiboak, ariketa fisikoa, joskintza eta hizkuntzen ikastaroak. Zerbitzuetan, berriz, herritarrek aukeran izango dituzte ludoteka, adinekoen topalekua, haurrentzako eta gurasoentzako lokala eta gazteen lokala.
Jarduera bakoitzari buruzko informazio osagarria eskuragarri dago Orendaingo Udalaren web orrialdean.