Hotza egiten bazuen ere eta eguzkiaren indarra apala bazen ere, barrua alai izan dute eguerdian orendaindarrek. San Sebastian Eguna ospatzen dute herrian, izen bereko baseliza baitute. Bertara joan dira kalejiran, eta meza ospatu eta gero, berriro ere abiatu dira plazara. Orendaingo Trikiti Eskolakoek jarri dituzte doinuak, haur zein helduek osatutako kuadrilla ederra.
Plazan dantzari eman zaio lekua, Orendaingo Dantza Taldekoek agurra dantzatu baitute. Ondoren, fandangoa eta arin-arina dantzatu dituzte, eta kalejiran erabilera anitzeko eraikinera joan dira. Bertan, hamaiketakoa hartu dute herritarrek.
