Guztira 87 parte hartzailek amaitu zuten 7. Eltxo Traileko proba luzea, 21 kilometrokoa. Gizonezkoetan Ander Iñarra izan zen azkarrena 1.25.33 eginez, eta minutu batera iritsi zen Iñaki Olano altzotarra (1.26.34); hirugarren Axier Artola amezketarra izan zen, 1.31.13 eginez. Emakumezkoetan Irati Larrañaga usurbildarra izan zen lehenengoa helmugan, 1.48.25 eginez, bigarrengoa Leire Elola tolosarra (1.51.04) eta hirugarren Irene Iturria bidaniarra (1.51.57).
Proba motzean, 7 kilometrokoa, 113 korrikalarik bukatu zuten, eta gizonezkoetan Unai Mintegi (29.54), Kristian Valor (32.41) eta Iñigo Ormazabal (33.35) izan ziren hiru azkarrenak, eta emakumezkoetan Lola Oiarzabal (36.53), Nagore Astorga (39.09) eta Laia Aitchou billabonatarra (43.07).