Artisau azoka egin dute lehen aldiz Orendainen, eta askotariko postuak ikusi ahal izan dira bertan. Denera, 29 postu jarri dituzte pilotalekuan, eta horietatik hiru herritarrenak izan dira.
Eguraldiak lagundu ez badu ere, Orendaingo pilotalekua jendez lepo bete da. Izan ere, lehenengo aldiz egin dute azoka herrian, eta arrakasta handiarekin gainera. Pilotalekura bertaratu direnek izan dute zer ikusi, zer dastatu eta zer erosi goiz osoan zehar.
29 artisau postuk osatu dute denera lehen edizioa. Herriko eta inguruko baserritarren produktuak eta artisauen lanak izan dira eskura. Gose zegoenak tripa betetzeko aukera ere izan du, haragi egosi pintxoak eta txistorra pintxoak baitzeuden.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!