Patxi Plazaola txirrindulari orendaindarra hirugarren postuan helmugaratu zen, atzo, Gironako Bordils herrian abiatu eta amaitu zen 104 kilometroko lasterketan. Hasiera gorabeheratsua zuen zirkuituak, eta guztira, 1.410 metroko desnibel positiboa.
Col Paton izan zen irabazlea, 3.43.19ko denbora eginda, eta Alex Ruiz sailkatu zen bigarren, 3.50.17ko denborarekin. Patxi Plazaolak segundo bat gehiago behar izan zuen, eta orendaindarraren denbora berdina egin zuen laugarren postuan sailkatu zen Ricard Calmetek. Lasterketa erditik aurrera, elkarrekin joan ziren Ruiz, Plazaola eta Calmet.