Hasi dira Ama Birjin festak Orendainen. Arratsaldean txupinazoa bota eta herriko haurren artean goxokiak banatu ondoren, lokotx biltze txapelketa egin dute. Mozorrotuta gerturatu dira orendaindarrak plazara. Txosnan jarritako boto kutxetan mozorrorik onenaren alde bozkatzeko aukera izan dute herritarrek. 20:00 aldera egingo dute sari banaketa ekitaldia.
Bien bitartean, Elektropapo elektrotxarangak girotuko du arratsaldea. Hau da festen lehen egunerako antolatu dutena Orendainen.
- 20:00. Haurren mozorro lehiaketako sari banaketa.
- 21:00. Saiheski jatea.
- 23:00. Bide batez erromeria taldea.
- 00:00. Helduen mozorro lehiaketako sari banaketa.
Bihar eta etzi ere Ama Birjin festak ospatuko dituzte herrian.
