Orendaingo jaiak 2019

Dantzan hasi dute eguna Orendainen

Ama Birjin egunean herriko dantzariek emanaldia eskaini dute eta sagardo dastaketa egin dute ondoren.

Atzo arratsaldean lehertu zen suziria Orendainen, eta bihar arte festa giroa da nagusi herrian. Musikak, dantzak eta jatekoek badute lekua herri txikietako jaietan, eta goizean horiexek izan dira nagusi.

Ama Birjin eguna mezarekin hasi dute, eta bukatzerako prest ziren herriko dantzariak udaletxe parean jarri duten karparen azpian. Adin guztietako gaztetxoek hartu dute parte, eta emanaldi amaieran, herritarrak gonbidatu dituzte fandangoa eta arin-arina dantzatzera.

Horren ostean, sagardoa dastatzeko aukera izan dute. Lizeaga, Begiristain eta Isastegi izan dituzte aukeran, eta txorizo eta haragi egosien pintxoez lagunduta dastatu dute. 

Bihar gauerdira bitarte, badute zertaz gozatua. Ikusi egitaraua hemen.

Erlazionatuak

Herriko dantzariek emanaldia eskaini dute

Orendain

Orendaingo dantzariek emanaldia eskaini dute Ama Birjin egunean. Adin ezberdinetako gaztetxoak aritu dira festa jartzen, sagardo dastaketa hasi aur...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!