"Egin dugu gure kilometroa" esan du irakasleak udaletxeko arkupera iritsi direnean. Orendainen, Haur Eskolatik atera dira Korrika Txikiko partaideak goizean, eta nola ez, korrika eta kantuan joan dira herriko plazara. Gutxi izan arren asko erakutsi dute. Euria egiten zuen etengabe, eta hain justu, tantaz tanta osatzen da Euskal Herri osoan Korrika. Tanta txikienek ere osotasuna dute barruan, eta gaur, Orendainen hori ikusi da; bideoan ikus daitekeen bezala.
Arratsaldean, 17:00etan, gaztetxoen eta beste herritarren txanda izango da. Festa, plazan antolatu dute.