Orendaingo Udalean jasangarritasunaren inguruan lan egiten urteak daramatzatela azaldu dute, eta aurten ere irizpide honekin jarraitzeko asmoa dute. Horretarako herritarron kontsumo ohitura jasangarriak sustatzeko diru laguntza programa jarri dute abian.
Programa horrek hiru urteko iraupena izango du, 2019. urtean hasita. Pizgarri horiek ondorengo ohituretan eragina izango dute: uraren kontsumoan, argi indarrean, mugikortasunean, bertako produktuetan eta baita komunitate izaeran ere. Programa horren aurkezpena larunbat eta igande honetan egingo da, herriko plazan, 12:00etan. Herriko ekoizleak beraien produktuak azoka moduko batean ipiniko dituzte. Bertan izango dora Orendaingo Errota, Larreta esnekiak, Sasiaingo Baratza, Argaia Goena Baserria eta Zelaieta Baserria. Beraz beraien produktuak ezagutu eta erosteko aukera izango da. Produktu horiek erosteko txartel berezia izango dute Orendaingo herritarrek.
Bestalde, larunbatean auzolana egingo dute. Hamabost pertsona inguruk izena eman dute dagoeneko, eta 09:00etan elkartuko dira plazan. Aurten, hondakinak jasotzeko zortzi etxola margotuko dituzte, beraz, etxeko arropa zaharra janztea gomendatu dute udaletik.
Diru laguntza programa aurkeztuko du asteburuan; larunbatean, bertako produktuen azoka eta auzolana ere egingo dira.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!