Orendaingo festetan azken eguna izan zuten atzokoan, eta usadioak agintzen duenez, harriari buelta ematea izan zen azken ekitaldia. Ez dute urtero lortzen, baina aurtengoan gai izan dira.
Beste hainbat ekitaldi izan zituzten atzo eguerdian eta arratsaldean Orendainen. Herri bazkarian 80 herritar inguru bildu ziren Eltxo elkartean. Haurrek puzgarriak izan zituzten arratsaldean, gaztetxoak 3x3 txapelketa, eta patata tortilla lehiaketan Zaragoza izenarekin aurkeztu zen taldeak irabazi zuen.
Gauerdian izan zen harriari buelta emateko ahalegina, eta ikusmina sortu zuen beste behin herritarren artean. Hona hemen bideoa:
Argazkiak eta bideoa: Eli Garaialde
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!