Orendaingo Festa Batzordeak prest ditu Ama Birjin festak, eta berrikuntzekin dator. Urteroko saiheski jatera joan nahi duenak txartela erosi beharko du.
Abuztuaren 14, 15 eta 16an izango dira festak, eta saiheski jatea lehen egunean izango da.
Txartelak Ostatu tabernan jarri dituzte salgai, eta abuztuaren 5a, igandea, baino lehen eskuratu beharko dira. Helduek 10 euro ordaindu beharko dute, eta 12 urtetik azpikoentzat doan izango da otordua. Aldaketa honen aurrean, batzordetik "inguruko lagun eta senideen artean zabaltzeko" eskatu dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!