Gipuzkoako Sega Txapelketa asteburuan jarri zuten martxan, aurre kanporaketarekin. Bertan sei segalari aritu ziren lehian, eta horietatik lauk lortu zuten finalerako txartela. Jexuxmari Ormaetxea Urki izan zen ordu t'erdiko lanean belar gehien ebaki zuena. Finala uztailaren 5ean izango da, 12:00etan Aian, hilerri ondoko belardian. Orendaindarrarekin batera Iban Pardo, Igor Esnaola eta Julen Gabirondo ariko dira lehian.