Aste Santuko oporren aurretik ATARIA irratia Abaltzisketan izan zen, eta oporren ostean, alboko herrira egin du salto irratiak. Orendaingo herritarrek izan dute mikrofonoetatik pasatzeko aukera gaur. Udaletxearen atzeko eraikin berrian dago irrati ibiltaria, eta bertatik pasa dira, besteak beste, alkatea edota eskolako haurrak.
Orendainen ere herritar ugari pasa dira irratitik. Lehena, Atariak herriro egin ohi duen moduan, alkatea izan da, Gorka Egia. Eta ondoren herriko hainbat baserritar pasa dira mifrofonoetatik, eskolako haurrak, Florencio Zuriarrain, herriko tabernariak eta ile-apaintzailea...
Honekin batera Amaia Azkue Tolosaldeko Mankomunitateko ordezkariak ere hitz egin du gaurko saioan eta eskualdean dauden Zero Zabor herrien inguruan hitz egin du, izan ere, Orendain izan zen Euskal Herriko lehen Zero Zabor herria. Era berean, Tolosaldea Garatzeneko tartean Txindokiko Itzala izan dute hizpide, eta Behieko proiektuaren berri ere eman du irratiak, Tolosan esne makina jartzera doazlea aprobetxatuz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!