Orendainen egingo dituzte ostiralean eta otsailaren 2an; azalpenez gain praktikak egingo dituzte
Orendain Orendaingo Udalak urteari hasiera emateko bi hitzaldi-tailer antolatu ditu. Lehenengoa ostiralean izango da, hilak 25, 19:00etan eraikin berrian, eta bertan elikadura osasuntsua izango dute hizpide. Ondoren, parte hartzaile guztiek zerbait jateko aukera izango dute. Bestea, otsailaren 2an, larunbata izango da. 18:00etan bilduko dira eraikin berrian eta bertan, inguruko mendi eta basoetan dauden senda belarrei buruz hitz egingo dute. Azken hitzaldi honetan, gainera, parte hartzaileen artean senda belarrei buruzko bost liburu zozkatuko dituzte.