Zezengorri Gaztetxeak antolatuta Gazte Eguna ari dira egiten gaur Lizartzan. Eguna gosariarekin hasi dute, eta lehen jarduera Narbaitzurako igoera izan dute. Gora iritsitakoan ikurrina jarri eta hamaiketakoa egin dute. Eguerdian herriko plazan bildu eta herri bazkaria egin dute, eta Alaitz eta Lucia trikitilariek girotu dute bazkalostea.
Arratsaldean 17:30ean hasiko dituzte gazteen arteko jolasak, eta aurretik, gaztaren pisu zehatza asmatzeko apustuan ere aritu dira bazkaltzera bildutako gazteak.