Urte batzuk igaro dira Lizartzako Udalak herrian organikoa kudeatzeko auzo konposta guneak jarri zituztenik. Horiei buelta bat eman eta herrian dauden konposta guneak berritzea erabaki du udalak. Honela, herriko lau konposta gune berritu dira; Urondoa kalekoa, eskola ondokoa, frontoi ondakoa eta Elbarrena auzokoa.
Lan hauek aurrera eramateko Europar Batasunak finantzatutako Next Generation EU berreskuratze, eraldatze eta erresilientzia planaren esparruko dirulaguntza bat lortu du udalak; zehazki, hondakinen araudia ezartzen eta ekonomia zirkularra Euskadin sustatzen laguntzeko dirulaguntza. Lanen kostua 14.474,52 eurokoa izan da eta lorturiko dirulaguntza, berriz, 10.748,19 eurokoa.