Dantzarien kalejirarekin abiatuko dute Lizartzako Erromeria Eguna. Tartean, dantza emanaldia, erromeria eta dastaketa ere izango da. Lizartzako Otsolar dantza taldeak eta udalak elkarlanean antolatu dute egitaraua, eta egun osoan zehar izango da zertaz gozatu bertan. Gainera, eguerdian bazkari herrikoia egingo dute. Interesa duten herritarrek maiatzak 28a arte izango dute bazkarirako tiketak erosteko aukera. Horiek Lizar dendan, ostatuan eta udaletxean izango dira salgai. Antolatzaileek garaiko euskal jantziekin parte hartzeko gonbita luzatu dute.
EGITARAUA
- 12:00. Dantzarien kalejira, herrian zehar.
- 13:00. Dantza emanaldia, plazan.
- 14:30. Bazkari herrikoia.
- 18:30. Erromeria. Malkogarriyak.
- 19:00. Sagardo eta pintxo dastaketa.