Atzo abiatu zuten Lizartzako udazken kulturala. Hain justu, Irulegiko aztarnategian bisita gidatua egin zuen herritar talde batek, Juantxo Agirre Aranzadiko arkeologoak gidatuta. Bertan, Irulegiko eskuaren nondik norakoak ezagutzeaz gain, aztarnategian barrena ibiltzeko aukera izan zuten. Bisita gidatuak lau ordu inguruko iraupena izan zuen.
Bigarren ekintza
Lizartzako Udalak eta Kalamatrike kultura eta euskara taldeak elkarlanean antolatutako programazioak aurrera jarraitzen du, eta hain zuzen, asteazkenean egingo dute bigarren ekintza: Zaindu, Elikatu eta Berotu hitzaldia. Bertan, gaztainondoaren kulturak Euskal Herrian izandako garrantziaren inguruan ariko dira Akaitz Sarasola lizartzarra eta Aintza Kortajarena asteasuarra 18:30etan, udal aretoan. Tolosaldeko kasua aintzat hartuko dute.