Hondarribiko Jostaldi pilotalekuan jokatu zituzten Lau eta Erdiko Master Laboral Kutxa Txapelketako lehen kanporaketak, eta bertan izan zen Lizartzako Irati Zabala. Eguneko laugarren partida izan zen lizartzarrarena; eliteko eskuz banakako partida jokatu zuen Uriarteren kontra, eta 22-18 bukatu zuten. Gazteen eskuz banakakoan Arhane Rey eta Itxaso Iparragirre aritu ziren nor baino nor, eta 18-14 bukatu zen Reyren alde. Gazteen eskuz banakakoan Lorea Fernandez de Barrenak 18-14 irabazi zion Irati Antolini. Eta promesen eskuz banakako partidari dagokionez, Maialen Esnalek 16-18 irabazi zion June Urrutikoetxeari.
Txapelketak 70 pilotari batuko ditu eta materiala izango da aurtengo txapelketaren berrikuntza nagusia, kirol honen garapenerako hain garrantzitsua izan den pilota goxoaren aroari amaiera eman baitiote Emakume Master Cup zirkuituan eta partida guztiak pilota mistoarekin jokatuko baitira.