Mugikortasun eta mendekotasun astea antolatu du Lizartzako Udalak, Osakidetza eta Gipuzkoako Foru Aldundiaren laguntzarekin. Hain justu, gaur emango diote hasiera, eta horretarako aurkezpen ekitaldia egingo dute, 18:30etatik 19:00tara, udaletxeko pleno aretoan. Esmeralda Caballero gizarte langilea izango da hizlaria, eta bertan, astearen inguruko nondik norakoak ematez gain, mugikortasunarentzako edo autonomia sustatzeko dauden laguntzen azalpenak emango ditu.
Asteazkenean, ariketa fisikoaren tailerra egingo dute, 17:30rtatik 18:30etara, udaletxeko pleno aretoan. Ane Daza Tolosaldeko Esiko fisioterapeutak eta Ana Jesus Lizartzako Medikuak gidatuko dute saio. Ostegunean, berriz, laguntza produktuen inguruko azalpenak emango ditu, Foru Aldundiko Atalaren arduradunak, 16:00tatik 17:00tara, udaletxeko pleno aretoan.