Aurten ere Gure Plaza Txo, Nerabeak eta Gazteak Udal Txikietan proiektuarekin aurrera egingo du Lizartzako Udalak. Honen helburua 1.000 biztanletik beherako Gipuzkoako 9 udalerrietan nerabeen sustapena berriz indartu eta iraunkor egiteko planteamendu bat garatzea da. Aisialdia lanerako erreminta bihurturik, nerabeen beharrei erantzunez, komunitatearekiko loturak sortu eta indartzea da proiektu honetan parte hartuko duten gizarte hezitzaileen xedea.
Gauzak honela, aurreko balorazio txiki bat egin, elkar ezagutu eta proiektua gehiago ezagutzeko saioa egingo dute ostiralean, 18:30etan, udaletxean. 12 eta 17 urte bitarteko nerabeen gurasoentzat bideratuta egongo da.