Gipuzkoako Dantza Biltzarrak, Otsolar Dantza Taldeak eta Lizartzako Udalak antolatutako dantza solte txapelketa jokatu zen igandean Lizartzako eliza atarian.. Denera, 16 urtez azpiko bederatzi bikote gipuzkoar aritu ziren lehian, eta iaz bezala, Onditz Esnaola herritarrak eta Jurgi Errandonea andoaindarrak osatutako bikotea izan zen irabazlea. Bigarren postuan, berriz, Nora Davila zizurkildarra eta Julen Lertxundi asteasuarra izan ziren.
Txapelketa positiboki baloratu dute dantza taldeko kideek, eta dantzaren transmisioa bermatzen ari dela aitortu dute: «Dantzariak solte txapelketa baten ikustea, hain gazte eta horrelako indarrarekin zoragarria da».