Iruñeko Labrit pilotalekuan lortu du Irati Zabala pilotari lizartzarrak binakako San Fermin Txapelketa. Iturriaga aurrelariarekin batera jantzi du txapela, Oskoz eta Galeano bikoteari 22-17 irabazita. Ados Pilota elkarteak antolatu duen txapelketaren finala oso gogorra eta emozioz beterikoa izan da. Bi bikoteek izan dute garaipena lortzeko aukera momentu oro, baina amaiera hobea emanaz Iturriaga eta Zabala izan dira garaile.
Lau eta erdiko txapelketa ere jokatu da, eta bertan Zabaletak 22-11 irabazi dio Barrokali.
Argazkiak: Ados Pilota